ಸಹಸ್ರಾರ ಮತ್ತು ಮೂಲಾಧಾರ

ನಿನ್ನ ಒಲವು 
ನಸುನಗುವಿನಲಿ ಸುತ್ತಲಿಗೆ ಬೆಳಕು ಚೆಲ್ಲುವ 
ನಕ್ಷತ್ರದ ರಾಶಿಯoತೆ ನೀನು 
ಆ ನಗುವಿನ ಸೌoದರ್ಯದಲಿ ಹೃದಯವು 
ಹೊಸರಾಗಗಳ ಹೊರಡಿಸುವುದೇನು ..... 

ನಿನ್ನೊಲವಿನ ಮಾತು ಸವಿ ಸಕ್ಕರೆಗಿoತ ಹಿತ
ಕೆನ್ನೆಯೊರಗಿ ಮುದ್ದಿಸುವಾಗೆಲ್ಲಾ ಸೊಬಗಿಗೆ ಮನಸೋತು
ಸೂರ್ಯ ಚಂದ್ರರ ಪರಿವಿರದೇ ಮನಸ್ಸು ಕರಗಿ
ಹಗಲೂ ರಾತ್ರಿಯೂ ಬೆಳಕಿತ್ತಲ್ಲ ?

ಪರಿಧಿಯ ದಾಟಿ ಹೊಸ ಶರಧಿಗೆ ಧಾವಿಸಿದ
ಮುದ್ದು ಜಲಪಾತವೇ ದುಮ್ಮಿಕ್ಕು ನನ್ನೊಳಗೆ
ತುಂಬಿದೊಲವಲಿ ಗಿಳಿಯುಲಿ ಹಾಡುತ್ತಾ
ಹೀಗೆ ಸದಾ ಸಪ್ತ ಸ್ವರಗಳ ಹೊಮ್ಮಿಸುವೆಯಾ.....