ಅರಿವು
ಅರಿವೇ ಕಳೆದುಹೋದ ನಿನಗೆ
ಬೇಕಿದ್ದೇ ತಿಳಿಯಲಿಲ್ಲ ....
ಅರಿವಿನ ಹಿಂದೇಕೆ ಓಡುತ್ತೀ
ನಿಲ್ಲು ನಿನ್ನ ಹಿಂದೆ ನಿಂತಿದೆ
ಅರಿವೇ ಕಳೆದುಹೋದ ನಿನಗೆ
ಬೇಕಿದ್ದೇ ತಿಳಿಯಲಿಲ್ಲ ....
ಅರಿವಿನ ಹಿಂದೇಕೆ ಓಡುತ್ತೀ
ನಿಲ್ಲು ನಿನ್ನ ಹಿಂದೆ ನಿಂತಿದೆ
ಜೀವನ ಸುಂದರ ತಪೋವನ ,ಧ್ಯಾನಿಸೋಣ,
ಶುಕ್ರವಾರ, ಮೇ 2, 2014
ಅವಸರದ ನಡಿಗೆ ಅ೦ತ್ಯದೆಡೆಗೆ
ಅಂತಃಚಕ್ಷುವ ಬಿಡಿಸಿ ಕೂತು ನಿನ್ನ ನನ್ನ ವಯಸ್ಸಿಗೆ ತಾಳೆ ಹಾಕಿದೆ ನಾನು
ನೀ ಈ ಜನ್ಮವಷ್ಟೇ ಲೆಕ್ಕ ಹಾಕಿದ್ದೀ . .. ಹಿಂದಿನದೆಲ್ಲೋ ..
ಕುಳಿತಿರು ಆತ್ಮಾ .. ಎಣಿಸಿ ಬರುತ್ತೇನೆ ಜನ್ಮದ ಪಟ್ಟಿಗಳ ..
ಇರುವೆಯಾಗಿ,ಎಮ್ಮೆ,ಜಿಂಕೆ,ಹಂದಿ ,ಹಸು,ಸ್ತ್ರೀ ..ದಾಟಿ ಪುರುಷನಾದಿ
ಅಂಗಲಾಚುವುದೇನೋ ..? ಇದೇ ಕಡೇ ಜನ್ಮ... ನಡೆ ....
ಮೇಧಾವಿ ಹೆಣ್ಣಿನೆದೆಗೆ ಒರಗಿಸಿಟ್ಟ ತಜ್ಞ ನಿರುಪಾಯ ಹೃದಯ ಬುತ್ತಿ
ಉಂಡದ್ದು ಉಪ್ಪಿರದ ಅನ್ನ ಹಲವು ಬಾರಿ ,,,ಹಾ ಋಣ ತಪ್ಪಿಸಲಿಕ್ಕೆ
ಬೆರಳಿಗೆ ಸುತ್ತಿಕೊ೦ಡ ದಾರ ಬಿಡಿಸಿ ಹರಿದಂಗಿಯ ಹೊಲೆಯಲಿಕ್ಕೆ
ಇರಲಿ ಬಿಡು ಮತ್ತೆ ಉಪಯೋಗವಿರದ ದೇಹದ೦ಗಿಯ ಮೋಹ ಬಿಟ್ಟು ನಡೆ
ವಯಸ್ಸೇನೂ ಓಡುವುದಿಲ್ಲ ... ನಿನಗೆ ದೇಹವಷ್ಟೇ ಲೆಕ್ಕ ತಾನೇ ...
ಅಂತಃಚಕ್ಷುವ ಬಿಡಿಸಿ ಕೂತು ನಿನ್ನ ನನ್ನ ವಯಸ್ಸಿಗೆ ತಾಳೆ ಹಾಕಿದೆ ನಾನು
ನೀ ಈ ಜನ್ಮವಷ್ಟೇ ಲೆಕ್ಕ ಹಾಕಿದ್ದೀ . .. ಹಿಂದಿನದೆಲ್ಲೋ ..
ಕುಳಿತಿರು ಆತ್ಮಾ .. ಎಣಿಸಿ ಬರುತ್ತೇನೆ ಜನ್ಮದ ಪಟ್ಟಿಗಳ ..
ಇರುವೆಯಾಗಿ,ಎಮ್ಮೆ,ಜಿಂಕೆ,ಹಂದಿ ,ಹಸು,ಸ್ತ್ರೀ ..ದಾಟಿ ಪುರುಷನಾದಿ
ಅಂಗಲಾಚುವುದೇನೋ ..? ಇದೇ ಕಡೇ ಜನ್ಮ... ನಡೆ ....
ಮೇಧಾವಿ ಹೆಣ್ಣಿನೆದೆಗೆ ಒರಗಿಸಿಟ್ಟ ತಜ್ಞ ನಿರುಪಾಯ ಹೃದಯ ಬುತ್ತಿ
ಉಂಡದ್ದು ಉಪ್ಪಿರದ ಅನ್ನ ಹಲವು ಬಾರಿ ,,,ಹಾ ಋಣ ತಪ್ಪಿಸಲಿಕ್ಕೆ
ಬೆರಳಿಗೆ ಸುತ್ತಿಕೊ೦ಡ ದಾರ ಬಿಡಿಸಿ ಹರಿದಂಗಿಯ ಹೊಲೆಯಲಿಕ್ಕೆ
ಇರಲಿ ಬಿಡು ಮತ್ತೆ ಉಪಯೋಗವಿರದ ದೇಹದ೦ಗಿಯ ಮೋಹ ಬಿಟ್ಟು ನಡೆ
ವಯಸ್ಸೇನೂ ಓಡುವುದಿಲ್ಲ ... ನಿನಗೆ ದೇಹವಷ್ಟೇ ಲೆಕ್ಕ ತಾನೇ ...
ಹೋಳಿಯಾಡುವ
ಕಾಮದ ಹುಟ್ಟಿಗೆ ತೆರೆದ ಕುಂಡಲಿನೀ ಯೋಗಿತ್ವದ ಚಲನೆ
ಪಡೆಯಲೆಂದೇ ಲೋಕ ಬಯಸುವುದಿಲ್ಲ ...
ಲೌಕಿಕದ ಜೀವಸತ್ವ ಪಡೆದೂ ಹರಿಯಲಿ ಸಹಜ ಸರಳವಾಗಿ
ಸುಡುವುದು ಕಾಮನೆಗಳ ಸುಡುಗಣ್ಣನ್ನ ಕಾಮವನ್ನಲ್ಲ ..
ಶಿವಗಣ್ಣಿನ ಸುಡುಗಣ್ಣಿನ ಬೆಂಕಿಗೆ ಬಿದ್ದ ಅನಂಗನಿಗೂ ರತಿಯ ಪ್ರಭೆ
ಹರಿದು ಸಂಸಾರದ ಬಂಧ... ನಡೆಯಲಾಗುವುದೇ ಹಿಮಗಿರಿಗೆ
ಸಹಸ್ರಾರಕೆ ಹರಿವ ಅರಿವ ಬರೆದಿಟ್ಟುಕೋ ನಾಳೆಗಳಿಗೆ...
ಇಂದು ಕೈಗಳೆರಡು ಚಾಚಿ ಬಣ್ಣಗಳ ಬರೆದು ಹೋಳಿಯ
ಮೈದುಂಬಿ ನರ್ತಿಸಿ ಚಿತ್ರಗಳ ವಿಸ್ತಾರವಾಗಿಸುವ ಬಯಕೆ...
ಕಾಮದ ಹುಟ್ಟಿಗೆ ತೆರೆದ ಕುಂಡಲಿನೀ ಯೋಗಿತ್ವದ ಚಲನೆ
ಪಡೆಯಲೆಂದೇ ಲೋಕ ಬಯಸುವುದಿಲ್ಲ ...
ಲೌಕಿಕದ ಜೀವಸತ್ವ ಪಡೆದೂ ಹರಿಯಲಿ ಸಹಜ ಸರಳವಾಗಿ
ಸುಡುವುದು ಕಾಮನೆಗಳ ಸುಡುಗಣ್ಣನ್ನ ಕಾಮವನ್ನಲ್ಲ ..
ಶಿವಗಣ್ಣಿನ ಸುಡುಗಣ್ಣಿನ ಬೆಂಕಿಗೆ ಬಿದ್ದ ಅನಂಗನಿಗೂ ರತಿಯ ಪ್ರಭೆ
ಹರಿದು ಸಂಸಾರದ ಬಂಧ... ನಡೆಯಲಾಗುವುದೇ ಹಿಮಗಿರಿಗೆ
ಸಹಸ್ರಾರಕೆ ಹರಿವ ಅರಿವ ಬರೆದಿಟ್ಟುಕೋ ನಾಳೆಗಳಿಗೆ...
ಇಂದು ಕೈಗಳೆರಡು ಚಾಚಿ ಬಣ್ಣಗಳ ಬರೆದು ಹೋಳಿಯ
ಮೈದುಂಬಿ ನರ್ತಿಸಿ ಚಿತ್ರಗಳ ವಿಸ್ತಾರವಾಗಿಸುವ ಬಯಕೆ...
ಯುಗಾದಿ
ಬರಲಿರುವ ಯುಗಾದಿಯ ಮುನ್ನ
ಮುತ್ತು ಪೋಣಿಸಿದ ರಂಗೋಲಿ ಬಂದಾಯ್ತು ,
ಒಂಟಿಕೊಪ್ಪಲ್ ಪಂಚಾಂಗ ತಂದಾಯ್ತು
ಉಡುಗೆ ತೊಡುಗೆ ಸಿಹಿ ರಾಶಿ ನಗೆ ,..
ಹಾ ತರಬೇಕಿನ್ನೂ ಮಾವು ಬೇವು ಬೆಲ್ಲ
ಒಬ್ಬಟ್ಟಿಗೆ ಹೇಳಿಯಾಯಿತು ಹಿಂದಿನ ಸಂಜೆಗೆ
ಹೊಸವರ್ಷಕ್ಕೆ "ಗುಡಿ ಪಾಡ್ವದ ''ಕೋಲು
ಅಲಂಕಾರಗಳು ಇಳಿದಾಯಿತು ...
ಶುರುವಾಗಬೇಕು ಶುಭಾಷಯದ ಮಾತು
ಬದಲಿಸಿಕೊಂಡು ಬೇವು-ಬೆಲ್ಲವ "ಶತಾಯು "
ಎಂದು ಕೊಡಲು ನಿಮಗೂ .. ಎಲ್ಲಿಲ್ಲದ ಸಂಬ್ರಮ
"ಯುಗಾದಿಯ ಶುಭಾಷಯಗಳು "
ಬರಲಿರುವ ಯುಗಾದಿಯ ಮುನ್ನ
ಮುತ್ತು ಪೋಣಿಸಿದ ರಂಗೋಲಿ ಬಂದಾಯ್ತು ,
ಒಂಟಿಕೊಪ್ಪಲ್ ಪಂಚಾಂಗ ತಂದಾಯ್ತು
ಉಡುಗೆ ತೊಡುಗೆ ಸಿಹಿ ರಾಶಿ ನಗೆ ,..
ಹಾ ತರಬೇಕಿನ್ನೂ ಮಾವು ಬೇವು ಬೆಲ್ಲ
ಒಬ್ಬಟ್ಟಿಗೆ ಹೇಳಿಯಾಯಿತು ಹಿಂದಿನ ಸಂಜೆಗೆ
ಹೊಸವರ್ಷಕ್ಕೆ "ಗುಡಿ ಪಾಡ್ವದ ''ಕೋಲು
ಅಲಂಕಾರಗಳು ಇಳಿದಾಯಿತು ...
ಶುರುವಾಗಬೇಕು ಶುಭಾಷಯದ ಮಾತು
ಬದಲಿಸಿಕೊಂಡು ಬೇವು-ಬೆಲ್ಲವ "ಶತಾಯು "
ಎಂದು ಕೊಡಲು ನಿಮಗೂ .. ಎಲ್ಲಿಲ್ಲದ ಸಂಬ್ರಮ
"ಯುಗಾದಿಯ ಶುಭಾಷಯಗಳು "
ತನನ
ಹಿಮವ ಸರಿಸಿ ಬಿಸಿ ಹೆಜ್ಜೆಯೂರಲಿ
ಶೃ೦ಗಾರ ಭಾವಗಳ ಕಲ್ಪವಲ್ಲಿ ...
ಎಳೆ ಎಳೆ ಗೂಡಿಸಿ ಹೆಣೆದ ಪ್ರೇಮಾಲಾಪದ
ಮೆಲು ಗುಂಜಾರವ ನಿನ್ನ ಕಿವಿಯ ತುಟಿಯ ಮೇಲೆ ..
ಮೆಲ್ಲನಿರಿಸಿಹ ನೀರ ಗಿಂಡಿಯಲಿ ನೀ ಒಮ್ಮೆ
ಹಣೆಯದ್ದಿಕೊಂಡ ಬೆರಳ ಕಂಪನ
ನಾಭಿಗಿಳಿದ ಹನಿಗೆ ಯುಗಗಳು ಕಾದ ಪ್ರೀತಿ ಸಿಂಚನ
ಅಲಿಂಗನದ ಮಧುರ ಮತ್ತಿಗೆ ಕರಗಿ ಹೋದ
ತೆಳು ಗಾಂಧರ್ವ ಮುಸುಕ ಹೊದಿಕೆ ,
ಎಲ್ಲೋ ಕನಸಿನ೦ತೆ ಸುಸ್ವರದ ಹೊಂದಿಕೆ,
ಪವಡಿಸಿದ ತೊಡೆಯ೦ಚಿಗೆ ಸೆರಗ ಹೂಗುಚ್ಹ
ಸರಿದು ಹಣೆಗೆ ಮುತ್ತನಿಡುತಾ ಜೊಂಪೆಗೂದಲ ಸರಸ
ಒದ್ದೆ ಬೆನ್ನಿಗೆ ಬರೆದು ಕೊ೦ಡ ಬಳ್ಳಿ ನರಗಳ ಚಕ್ರ
ನಿನ್ನೊಳಗೆ ಹೆಣೆದುಕೊಂಡ ನಡುಗೆರೆಯ ಲಾಸ್ಯ
ಹಿಮವ ಸರಿಸಿ ಬಿಸಿ ಹೆಜ್ಜೆಯೂರಲಿ
ಶೃ೦ಗಾರ ಭಾವಗಳ ಕಲ್ಪವಲ್ಲಿ ...
ಎಳೆ ಎಳೆ ಗೂಡಿಸಿ ಹೆಣೆದ ಪ್ರೇಮಾಲಾಪದ
ಮೆಲು ಗುಂಜಾರವ ನಿನ್ನ ಕಿವಿಯ ತುಟಿಯ ಮೇಲೆ ..
ಮೆಲ್ಲನಿರಿಸಿಹ ನೀರ ಗಿಂಡಿಯಲಿ ನೀ ಒಮ್ಮೆ
ಹಣೆಯದ್ದಿಕೊಂಡ ಬೆರಳ ಕಂಪನ
ನಾಭಿಗಿಳಿದ ಹನಿಗೆ ಯುಗಗಳು ಕಾದ ಪ್ರೀತಿ ಸಿಂಚನ
ಅಲಿಂಗನದ ಮಧುರ ಮತ್ತಿಗೆ ಕರಗಿ ಹೋದ
ತೆಳು ಗಾಂಧರ್ವ ಮುಸುಕ ಹೊದಿಕೆ ,
ಎಲ್ಲೋ ಕನಸಿನ೦ತೆ ಸುಸ್ವರದ ಹೊಂದಿಕೆ,
ಪವಡಿಸಿದ ತೊಡೆಯ೦ಚಿಗೆ ಸೆರಗ ಹೂಗುಚ್ಹ
ಸರಿದು ಹಣೆಗೆ ಮುತ್ತನಿಡುತಾ ಜೊಂಪೆಗೂದಲ ಸರಸ
ಒದ್ದೆ ಬೆನ್ನಿಗೆ ಬರೆದು ಕೊ೦ಡ ಬಳ್ಳಿ ನರಗಳ ಚಕ್ರ
ನಿನ್ನೊಳಗೆ ಹೆಣೆದುಕೊಂಡ ನಡುಗೆರೆಯ ಲಾಸ್ಯ
ಕೃಷ್ಣನೊಲವು
ಕೃಷ್ಣಾ ನಿನ್ನ ನೆನೆದಾಗ ಕೊಳಲ ನಾದ ಹೃದಯ ತುಂಬಿ
ಕಳೆದು ಹೋಗುವೆನು ದ್ವಾರಕೆಯ ದಾರಿಯಲಿ
ನಿನ್ನೂರಿನ ಪರಿವಿರದೇ ಪಂಡರಾಪುರದ ಮೆರವಣಿಗೆಯ ನೆನಪಿನಲ್ಲಿ
ಇಸ್ಕಾನಿನ ಸುಂದರ ಬಾಲಕೃಷ್ಣನ ಚಿತ್ರಗಳಲ್ಲಿ ....
ನೆನಪಿನ ಚಿತ್ರಗಳಲ್ಲಿ ಬೆಣ್ಣೆ ತಿನ್ನುತ್ತಲೂ ತುಂಟ ನೋಟವೆಸೆಯುತ್ತಿ
ಗೋಪಿಕೆಯರ ಸೀರೆಯ ಒಂದೊಂದೇ ಹಿಂತಿರಿಗಿಸುತ್ತೀ ..
ಓಡಿ ಮರಗಳೆಡನು ತಳ್ಳಿ ಬೀಳಿಸುತ್ತೀ ...
ಪಾರಿಜಾತದ ಸುಗಂಧವ ಸುತ್ತಲಿಗೆ ಸ್ವರ್ಗದಿಂದಿಳಿಸುತ್ತಿ
ಭಾಮೆ ರುಕ್ಮಿಣಿಯರ ನಡುವೆ ರಾಧೆಯೊಡನೆ ಸರಸವಾಡುತ್ತಿ
ಆದರೂ ಕೃಷ್ಣ .. ಕೃಷ್ಣಾ ...ನೀನಿರದ ತಾಣವಿದೆಯೇ
ನನ್ನೀ ಪಯಣಕೆ ಅರ್ಥವಿದೆಯೇ ಹೇಳು ಒಮ್ಮೆ,..... ನಾ ನಿನ್ನೊಲವು
ನವಿಲು ಗರಿಯ ಸಮ್ಮೋಹನದಲಿ ಕೆನ್ನೆಗಾನಿಸಿ ಕೊಂಡು ನಿನ್ನ
ಮುತ್ತುಗಳ ಸವಿಯಲಿ ಜಗ ಮರೆತ ,ಪರಿವಿರದ ಕ್ಷಣಗಳ ನಿನಗರ್ಪಿಸುತಿಹೆ
ಕೊರಳ ಬಳಸಿ ತೂಗು ಬೀಳುವಾಸೆಯಿದೆ ಕರೆದುಕೋ ನನ್ನ ....
ಕೃಷ್ಣಾ ನಿನ್ನ ನೆನೆದಾಗ ಕೊಳಲ ನಾದ ಹೃದಯ ತುಂಬಿ
ಕಳೆದು ಹೋಗುವೆನು ದ್ವಾರಕೆಯ ದಾರಿಯಲಿ
ನಿನ್ನೂರಿನ ಪರಿವಿರದೇ ಪಂಡರಾಪುರದ ಮೆರವಣಿಗೆಯ ನೆನಪಿನಲ್ಲಿ
ಇಸ್ಕಾನಿನ ಸುಂದರ ಬಾಲಕೃಷ್ಣನ ಚಿತ್ರಗಳಲ್ಲಿ ....
ನೆನಪಿನ ಚಿತ್ರಗಳಲ್ಲಿ ಬೆಣ್ಣೆ ತಿನ್ನುತ್ತಲೂ ತುಂಟ ನೋಟವೆಸೆಯುತ್ತಿ
ಗೋಪಿಕೆಯರ ಸೀರೆಯ ಒಂದೊಂದೇ ಹಿಂತಿರಿಗಿಸುತ್ತೀ ..
ಓಡಿ ಮರಗಳೆಡನು ತಳ್ಳಿ ಬೀಳಿಸುತ್ತೀ ...
ಪಾರಿಜಾತದ ಸುಗಂಧವ ಸುತ್ತಲಿಗೆ ಸ್ವರ್ಗದಿಂದಿಳಿಸುತ್ತಿ
ಭಾಮೆ ರುಕ್ಮಿಣಿಯರ ನಡುವೆ ರಾಧೆಯೊಡನೆ ಸರಸವಾಡುತ್ತಿ
ಆದರೂ ಕೃಷ್ಣ .. ಕೃಷ್ಣಾ ...ನೀನಿರದ ತಾಣವಿದೆಯೇ
ನನ್ನೀ ಪಯಣಕೆ ಅರ್ಥವಿದೆಯೇ ಹೇಳು ಒಮ್ಮೆ,..... ನಾ ನಿನ್ನೊಲವು
ನವಿಲು ಗರಿಯ ಸಮ್ಮೋಹನದಲಿ ಕೆನ್ನೆಗಾನಿಸಿ ಕೊಂಡು ನಿನ್ನ
ಮುತ್ತುಗಳ ಸವಿಯಲಿ ಜಗ ಮರೆತ ,ಪರಿವಿರದ ಕ್ಷಣಗಳ ನಿನಗರ್ಪಿಸುತಿಹೆ
ಕೊರಳ ಬಳಸಿ ತೂಗು ಬೀಳುವಾಸೆಯಿದೆ ಕರೆದುಕೋ ನನ್ನ ....
ಬಂಧ
ಅಮ್ಮನೆನ್ನುತ್ತೀಯಾ.... ಮಗುವೆನ್ನುತ್ತೀಯಾ
ಒಮ್ಮೆ ಕುತ್ತಿಗೆ ಬಳಸಿ ತೂಗು ಬಿದ್ದರೆ ..
ಮತ್ತೊಮ್ಮೆ ತೊಡೆ ಮೇಲೆ ತಟ್ಟಿ ಹಾಡುತ್ತಿಯ
ತ೦ಬೂರಿಯ ಹಿಂದೆ ನರ್ತಿಸುತ್ತಾ ನಡೆದ
ಹುಚ್ಚು ಮಕ್ಕಳು ಇಡೀ ಊರ ಬೀದಿ ಅಲೆದ ಹಾಗೆ
ಜೋಳಿಗೆಯ ಮಾಯದ ಮಾತಿಗಷ್ಟೇ ಅಲ್ಲ
ಭುಜಬಲದ ಒಳ್ಳೇ ಕಾರ್ಯಗಳ ಶ್ರಮವನ್ನೂ
ತೂಗಿ ಬಿಡುತ್ತೇನೆ ..
ಸೆರಗ ಜೋಲಿಯಲಿ ಮಲಗಿ
ಕೆನ್ನೆಗಂಟಿದ ಹನಿ ಬಿಂದುವ ಎದೆಗೊರಸಿ ನಕ್ಕ
ನಿರ್ಮಲ ನಗುವಿಗೆ ಅಭಾರಿಯೇ ಅಮ್ಮ ಇಲ್ಲ ಬಿಡು
ಮತ್ತಷ್ಟು ಹೊರೆ ಬೆನ್ನಿಗೇರಿಸಿ ಹೊರೋ ಮಗನೇ
ಇನ್ನಷ್ಟು ಗಟ್ಟಿಯಾಗು ಎಂದಾಳು ಹೆಮ್ಮೆಗೆ ಭುಜವೊತ್ತಿ
ಹರಿದು ನೆಂಟತನಗಳ ಮಮಕಾರಗಳ ಲೋಕಮಾತೆತನ
ನಡೆದಾಯಿತು ನಾನು ಹೊರಬೀದಿಗೆ ... ದೇಹದಾಚೆಗೆ
ಕೈ ಕೈ ಕೊಟ್ಟ ಕರುಣೆ ಪ್ರೀತಿಗಳ ಚುಂಬಿಸಿ ಸುರಿವ
ಸತ್ವವನ್ನೆಲ್ಲಾ ನಿನ್ನ ಉಳಿತಿಗೆ ಒಪ್ಪಿಸಿದ್ದೇನೆ
ಏನೋ ಲೋಕಕಲ್ಯಾಣದಲಿ ದೇಗುಲದ ಪ್ರಭೆ ಮೀರುತ್ತೀ ಎಂದು
ಹಸಿದ ದಿನ ಹೊರಗುಳಿಯಬೇಡ ಅಮ್ಮನಿದ್ದಾಳೆ ...
ಹೊಟ್ಟೆ ತುಂಬಿಸಿದ ನ೦ತರ ಮಗುವಾಗಿ ಆಡಲಿಕ್ಕೆ ಉಸಿರಿರುವವರೆಗೂ...
ಅಮ್ಮನೆನ್ನುತ್ತೀಯಾ.... ಮಗುವೆನ್ನುತ್ತೀಯಾ
ಒಮ್ಮೆ ಕುತ್ತಿಗೆ ಬಳಸಿ ತೂಗು ಬಿದ್ದರೆ ..
ಮತ್ತೊಮ್ಮೆ ತೊಡೆ ಮೇಲೆ ತಟ್ಟಿ ಹಾಡುತ್ತಿಯ
ತ೦ಬೂರಿಯ ಹಿಂದೆ ನರ್ತಿಸುತ್ತಾ ನಡೆದ
ಹುಚ್ಚು ಮಕ್ಕಳು ಇಡೀ ಊರ ಬೀದಿ ಅಲೆದ ಹಾಗೆ
ಜೋಳಿಗೆಯ ಮಾಯದ ಮಾತಿಗಷ್ಟೇ ಅಲ್ಲ
ಭುಜಬಲದ ಒಳ್ಳೇ ಕಾರ್ಯಗಳ ಶ್ರಮವನ್ನೂ
ತೂಗಿ ಬಿಡುತ್ತೇನೆ ..
ಸೆರಗ ಜೋಲಿಯಲಿ ಮಲಗಿ
ಕೆನ್ನೆಗಂಟಿದ ಹನಿ ಬಿಂದುವ ಎದೆಗೊರಸಿ ನಕ್ಕ
ನಿರ್ಮಲ ನಗುವಿಗೆ ಅಭಾರಿಯೇ ಅಮ್ಮ ಇಲ್ಲ ಬಿಡು
ಮತ್ತಷ್ಟು ಹೊರೆ ಬೆನ್ನಿಗೇರಿಸಿ ಹೊರೋ ಮಗನೇ
ಇನ್ನಷ್ಟು ಗಟ್ಟಿಯಾಗು ಎಂದಾಳು ಹೆಮ್ಮೆಗೆ ಭುಜವೊತ್ತಿ
ಹರಿದು ನೆಂಟತನಗಳ ಮಮಕಾರಗಳ ಲೋಕಮಾತೆತನ
ನಡೆದಾಯಿತು ನಾನು ಹೊರಬೀದಿಗೆ ... ದೇಹದಾಚೆಗೆ
ಕೈ ಕೈ ಕೊಟ್ಟ ಕರುಣೆ ಪ್ರೀತಿಗಳ ಚುಂಬಿಸಿ ಸುರಿವ
ಸತ್ವವನ್ನೆಲ್ಲಾ ನಿನ್ನ ಉಳಿತಿಗೆ ಒಪ್ಪಿಸಿದ್ದೇನೆ
ಏನೋ ಲೋಕಕಲ್ಯಾಣದಲಿ ದೇಗುಲದ ಪ್ರಭೆ ಮೀರುತ್ತೀ ಎಂದು
ಹಸಿದ ದಿನ ಹೊರಗುಳಿಯಬೇಡ ಅಮ್ಮನಿದ್ದಾಳೆ ...
ಹೊಟ್ಟೆ ತುಂಬಿಸಿದ ನ೦ತರ ಮಗುವಾಗಿ ಆಡಲಿಕ್ಕೆ ಉಸಿರಿರುವವರೆಗೂ...
ಎಲ್ಲಿದ್ದೀರಿ ನೀವು
ಬರಹದಾಚೆ ತೆವಳುತ್ತಿರುವ ತೇಪೆ ಬೇಕಿರುವ ಹೃದಯ ನೋಡಿದೆ
ಒಂದಷ್ಟು ನೀರೂ ,ಎಲೆ ಮೇಲೆ ಒಂದಷ್ಟು ಅನ್ನ ಹಾಕಿ ಸಾಕೂ
ಅಂತ ಗೋಗೆರೆಯಿತು ... ಇರು ಮಗಾ ಫೋಟೋ ತೆಗೆದು
ಕವನ ಬರೀತೀನಿ ಇವತ್ತಿನ ಸ್ಟೇಟಸ್ ಮಸ್ತಾಗಿರೂತೆ ಅಂದೇ
ಹೊಟ್ಟೆ ಬೆನ್ನಿಗ೦ಟ್ಕೊಂಡು ಎದೆ ಮೂಳೆ ಮದ್ಯೆ ಎದ್ದು ಎದ್ದು ಬೀಳ್ತಿದ್ದ
ಪ್ಲಾಶ್ ಅಗ್ತಾ ಇರೋ ಫೋಟೋ ಜೊತೆಗೇ ಅವನ ಕಣ್ಣೀರೂ ಕೆನ್ನೆಗಿ೦ತಾ
ಕೆಳಗಿಳಿದು ಅನ್ನದೊಳಗೆ ಬಿತ್ತು ..ಕೈ ಮುಗಿದೇ ಹೊರಟ ಬಿಡಿ ....
ಅನ್ನಕ್ಕಿಂತ ದೇವರಿಲ್ಲ /ಅತಿಥಿ ದೇವೋಭವ... ಅಕ್ಷರ ನೀವಿಹರು
ನೀವಿತ್ತ ಅನ್ನಕ್ಕೆ ಮೊಹರು ಬೇಕಿಲ್ಲ ಸ್ವಾಮಿ ,,,,,ಬೇಡಿದಾಗ
ತಟ್ಟೆಯಲ್ಲಿ ಒಂದು ರುಪಾಯಿ ಬಿಸಾಕಿದರೆ ದಯಾಮಯಿಯಲ್ಲ ನೀವು
ತಲೆ ತಗ್ಗಿಸಿ ನಡೆದು ಬಿಡಿ, ಬಡಿಸಿದ ತಟ್ಟೆಯಲ್ಲಿ ಒಂದಗುಳೂ ಅನ್ನ ಬಿಟ್ಟರೆ
ಹಸಿದು ಗಂಟಲು ಬಾಯಿಗ೦ಟಿ ಸಾಯುವವರ ಮು೦ದೆ ಕೂರಿಸಿ ಬಿಡುತ್ತೇನೆ
ಬಿರೋ ಬಿಸಿಲೋ ಮನೆಯೋ ಮಸಣವೋ ಅನ್ನದ್ದೇ ಪ್ರಶ್ನೆ ದೇಹ ದೇಗುಲಕ್ಕೆ
ಬೌದ್ದಿಕ ಸಾಂಗತ್ಯ ವಿಚಾರ ಧಾರೆ ಹೊಮ್ಮಿ ಕೊಟ್ಟದ್ದೇನು ಮೂರು ಅಣೆ
ಕೈ ಚಾಚಿದಲ್ಲಿ ತುತ್ತಿಟ್ಟು ಬಿಡಿ ಕರುಣೆ ಸಾಕು ತೆರೆದ ಕೈಯಲ್ಲಿ
ಬರಹದಾಚೆ ತೆವಳುತ್ತಿರುವ ತೇಪೆ ಬೇಕಿರುವ ಹೃದಯ ನೋಡಿದೆ
ಒಂದಷ್ಟು ನೀರೂ ,ಎಲೆ ಮೇಲೆ ಒಂದಷ್ಟು ಅನ್ನ ಹಾಕಿ ಸಾಕೂ
ಅಂತ ಗೋಗೆರೆಯಿತು ... ಇರು ಮಗಾ ಫೋಟೋ ತೆಗೆದು
ಕವನ ಬರೀತೀನಿ ಇವತ್ತಿನ ಸ್ಟೇಟಸ್ ಮಸ್ತಾಗಿರೂತೆ ಅಂದೇ
ಹೊಟ್ಟೆ ಬೆನ್ನಿಗ೦ಟ್ಕೊಂಡು ಎದೆ ಮೂಳೆ ಮದ್ಯೆ ಎದ್ದು ಎದ್ದು ಬೀಳ್ತಿದ್ದ
ಪ್ಲಾಶ್ ಅಗ್ತಾ ಇರೋ ಫೋಟೋ ಜೊತೆಗೇ ಅವನ ಕಣ್ಣೀರೂ ಕೆನ್ನೆಗಿ೦ತಾ
ಕೆಳಗಿಳಿದು ಅನ್ನದೊಳಗೆ ಬಿತ್ತು ..ಕೈ ಮುಗಿದೇ ಹೊರಟ ಬಿಡಿ ....
ಅನ್ನಕ್ಕಿಂತ ದೇವರಿಲ್ಲ /ಅತಿಥಿ ದೇವೋಭವ... ಅಕ್ಷರ ನೀವಿಹರು
ನೀವಿತ್ತ ಅನ್ನಕ್ಕೆ ಮೊಹರು ಬೇಕಿಲ್ಲ ಸ್ವಾಮಿ ,,,,,ಬೇಡಿದಾಗ
ತಟ್ಟೆಯಲ್ಲಿ ಒಂದು ರುಪಾಯಿ ಬಿಸಾಕಿದರೆ ದಯಾಮಯಿಯಲ್ಲ ನೀವು
ತಲೆ ತಗ್ಗಿಸಿ ನಡೆದು ಬಿಡಿ, ಬಡಿಸಿದ ತಟ್ಟೆಯಲ್ಲಿ ಒಂದಗುಳೂ ಅನ್ನ ಬಿಟ್ಟರೆ
ಹಸಿದು ಗಂಟಲು ಬಾಯಿಗ೦ಟಿ ಸಾಯುವವರ ಮು೦ದೆ ಕೂರಿಸಿ ಬಿಡುತ್ತೇನೆ
ಬಿರೋ ಬಿಸಿಲೋ ಮನೆಯೋ ಮಸಣವೋ ಅನ್ನದ್ದೇ ಪ್ರಶ್ನೆ ದೇಹ ದೇಗುಲಕ್ಕೆ
ಬೌದ್ದಿಕ ಸಾಂಗತ್ಯ ವಿಚಾರ ಧಾರೆ ಹೊಮ್ಮಿ ಕೊಟ್ಟದ್ದೇನು ಮೂರು ಅಣೆ
ಕೈ ಚಾಚಿದಲ್ಲಿ ತುತ್ತಿಟ್ಟು ಬಿಡಿ ಕರುಣೆ ಸಾಕು ತೆರೆದ ಕೈಯಲ್ಲಿ
ತಟಸ್ಥ
ನಿಂತು ಬಿಡುವುದೇ ನಿನ್ನ ಇಚ್ಚೆಯಾದರೆ
ಹೃದಯದೊಳಗೆ ಜಾಗವಿತ್ತು
ಮೆಟ್ಟಿಲಿನ ಮೇಲೇಕೆ ಮಲಗಿದ್ದೀ '
ಯುಗ ಯುಗಗಳಿoದ ... ನಾನೋ
ಒಳಗೆ ಬಂದರಷ್ಟೇ ಕೊಡಲು
ಬೆನ್ನು ಮೂಳೆಯನ್ನ ಗೋಡೆಗೊರಗಿಸಿ
ಅಷ್ಟೇ ಯುಗಾಂತರಗಳಾಗಿದೆ
ಈಗ ಚಕ್ರಗಳಿಗೋ ಸುತ್ತುವುದೇ ಮರೆತು ಹೋಗಿದೆ
ತೆವಳಿ ಸವೆದ ಅಂಗೈಗೆ ಒ೦ದಿಷ್ಟು ಜೀವ
ಉಳಿದಿದೆ... ಸಮ್ಮತವೆಂದರೆ ಪಳೆಯುಳಿಕೆಗೆ
ಮುತ್ತಿಟ್ಟುಕೋ ಸತ್ತಿಲ್ಲ ಸಂವೇದನೆಗಳು ಇನ್ನೂ
ನಿಂತು ಬಿಡುವುದೇ ನಿನ್ನ ಇಚ್ಚೆಯಾದರೆ
ಹೃದಯದೊಳಗೆ ಜಾಗವಿತ್ತು
ಮೆಟ್ಟಿಲಿನ ಮೇಲೇಕೆ ಮಲಗಿದ್ದೀ '
ಯುಗ ಯುಗಗಳಿoದ ... ನಾನೋ
ಒಳಗೆ ಬಂದರಷ್ಟೇ ಕೊಡಲು
ಬೆನ್ನು ಮೂಳೆಯನ್ನ ಗೋಡೆಗೊರಗಿಸಿ
ಅಷ್ಟೇ ಯುಗಾಂತರಗಳಾಗಿದೆ
ಈಗ ಚಕ್ರಗಳಿಗೋ ಸುತ್ತುವುದೇ ಮರೆತು ಹೋಗಿದೆ
ತೆವಳಿ ಸವೆದ ಅಂಗೈಗೆ ಒ೦ದಿಷ್ಟು ಜೀವ
ಉಳಿದಿದೆ... ಸಮ್ಮತವೆಂದರೆ ಪಳೆಯುಳಿಕೆಗೆ
ಮುತ್ತಿಟ್ಟುಕೋ ಸತ್ತಿಲ್ಲ ಸಂವೇದನೆಗಳು ಇನ್ನೂ
ಆಸ್ಪತ್ರೆಯ ಜೀವ ಚಕ್ರ
ನಟನೆಯ ಮೀರಿ ಬದುಕಬೇಕಾಗಿದೆ ಏಕೆಂದರೆ ಇದು
ದಿನ ನೋವಿನ ಚಿತ್ರ .. ಈ ದೈನ್ಯತೆಗೆ ಒರೆ ಹಚ್ಚಿ ನೋಡಲೇ
ಬೇಕಿಲ್ಲ .. ರಕ್ತ ಒಸರುವ ಗಾಯಗಳೇ ಸಾಕು ತನ್ನ ಕಥೆಯ
ಕೇಳಿ ರಕ್ತ ಕಂಬನಿ ಸಿಡಿಸುವುದಕ್ಕೆ ....
ಆಸರೆಗೆ ಕೈಗಳೇ ನಂಬಿ ನಿ೦ತವರು ಎಲ್ಲೋ ಒಬ್ಬರು
ಮತ್ತೆಲ್ಲ ಕೋಲುಗಳ ಗಾಲಿಚಕ್ರಗಳ ಹಿಡಿತಕ್ಕೆ ಸಿಕ್ಕವರು
ಬಾಡಿ ಹೋದ ಕಂಗಳ ತುಂಬಾ ನೀರು ತರಲೂ ಶಕ್ತಿಯಿರದೇ
ಬಾಯಾರಿಕೆಗೂ ಸಂಕೋಚಿಸಿ ಒಣ ನಾಲಿಗೆಯಲಿ ನಡುಗಿದವರು ...
ಬವಣೆಗೆ ಬಿದ್ದವರಾರಿಗೂ ತಿಳಿದಿರಲಿಲ್ಲ ಹಣೆ ಬರಹ ಒಂದೋ ಎರಡೋ
ಬೆರಳ ಸಮಾಧಿಗೆ ಕಳಿಸಿ ಕುಂಟುತ್ತಾ ಉಳಿದ ಪಾದಕ್ಕೆ ಬಟ್ಟೆಸುತ್ತುತ್ತಾ
ನಾಳಿನ ಚಿಂತೆಗೆಂದೇ ಉಳಿಸಿದ ಮೂರು ಕಾಸೂ ಮುಗಿದು .. ನಿಟ್ಟುಸಿರಿಡುವಾಗ
ಹೃದಯ ಮಾತ್ರವಲ್ಲ ಕಿಡ್ನಿಯಲ್ಲೂ ನಡುಕ ಸಾಕುವ ಜನರ ಕೆಂಗಣ್ಣಿನದ್ದು....
ಜೀವಮಾನವಿಡೀ ದುಡಿದದ್ದ ಕಾಯಿಲೆಯೇ ತಿಂದುಕೊಳ್ಳುವಾಗ ನಾಳಿನ
ಅನ್ನಕ್ಕೆ ಅಂಗೈ ಒಣಗಿ ಚಾಚಬೇಕಾದ... ಬದುಕೇ ಎದೆಯಲ್ಲಿ ದುಸ್ತರವೆನೆಸಿ
ಸಾವಿಗೂ ತುಂಬುಬಾಳಿಗೂ ನಡುವೆ ಸೃಷ್ಟಿಯಾದೀ ದುರ್ಗಮ ಹಾದಿಯ
ಸವೆಸಲಾರದೇ ನಡೆಯುವಾಗ ನಗುಬಾರದೆಯೂ ... ಅಳಲಾರದೆಯೂ ... ಹೀಗೆ ..
ನಟನೆಯ ಮೀರಿ ಬದುಕಬೇಕಾಗಿದೆ ಏಕೆಂದರೆ ಇದು
ದಿನ ನೋವಿನ ಚಿತ್ರ .. ಈ ದೈನ್ಯತೆಗೆ ಒರೆ ಹಚ್ಚಿ ನೋಡಲೇ
ಬೇಕಿಲ್ಲ .. ರಕ್ತ ಒಸರುವ ಗಾಯಗಳೇ ಸಾಕು ತನ್ನ ಕಥೆಯ
ಕೇಳಿ ರಕ್ತ ಕಂಬನಿ ಸಿಡಿಸುವುದಕ್ಕೆ ....
ಆಸರೆಗೆ ಕೈಗಳೇ ನಂಬಿ ನಿ೦ತವರು ಎಲ್ಲೋ ಒಬ್ಬರು
ಮತ್ತೆಲ್ಲ ಕೋಲುಗಳ ಗಾಲಿಚಕ್ರಗಳ ಹಿಡಿತಕ್ಕೆ ಸಿಕ್ಕವರು
ಬಾಡಿ ಹೋದ ಕಂಗಳ ತುಂಬಾ ನೀರು ತರಲೂ ಶಕ್ತಿಯಿರದೇ
ಬಾಯಾರಿಕೆಗೂ ಸಂಕೋಚಿಸಿ ಒಣ ನಾಲಿಗೆಯಲಿ ನಡುಗಿದವರು ...
ಬವಣೆಗೆ ಬಿದ್ದವರಾರಿಗೂ ತಿಳಿದಿರಲಿಲ್ಲ ಹಣೆ ಬರಹ ಒಂದೋ ಎರಡೋ
ಬೆರಳ ಸಮಾಧಿಗೆ ಕಳಿಸಿ ಕುಂಟುತ್ತಾ ಉಳಿದ ಪಾದಕ್ಕೆ ಬಟ್ಟೆಸುತ್ತುತ್ತಾ
ನಾಳಿನ ಚಿಂತೆಗೆಂದೇ ಉಳಿಸಿದ ಮೂರು ಕಾಸೂ ಮುಗಿದು .. ನಿಟ್ಟುಸಿರಿಡುವಾಗ
ಹೃದಯ ಮಾತ್ರವಲ್ಲ ಕಿಡ್ನಿಯಲ್ಲೂ ನಡುಕ ಸಾಕುವ ಜನರ ಕೆಂಗಣ್ಣಿನದ್ದು....
ಜೀವಮಾನವಿಡೀ ದುಡಿದದ್ದ ಕಾಯಿಲೆಯೇ ತಿಂದುಕೊಳ್ಳುವಾಗ ನಾಳಿನ
ಅನ್ನಕ್ಕೆ ಅಂಗೈ ಒಣಗಿ ಚಾಚಬೇಕಾದ... ಬದುಕೇ ಎದೆಯಲ್ಲಿ ದುಸ್ತರವೆನೆಸಿ
ಸಾವಿಗೂ ತುಂಬುಬಾಳಿಗೂ ನಡುವೆ ಸೃಷ್ಟಿಯಾದೀ ದುರ್ಗಮ ಹಾದಿಯ
ಸವೆಸಲಾರದೇ ನಡೆಯುವಾಗ ನಗುಬಾರದೆಯೂ ... ಅಳಲಾರದೆಯೂ ... ಹೀಗೆ ..
ಹೊಸ ಬೆಳಗು
ಮಲಗಿ ಎದ್ದ ಮೇಲೆ ಬಂದ ಬೆಳಗು
ಬೆರಗೋ ಬೆರಗು ... ಸೂಸುತಿದೆ
ನಾನು ಹೊಸ ದಿನ ಏನಾದರೂ ಕೊಡು
ಎಂದು ಕಂದನ ಪರಿ ಕಾಡುತಿದೆ ....
ಅಂಗೈಯಲ್ಲಿ ಬೆಲ್ಲ ನೆಲಗಡಲೆಯಿತ್ತ
ಪೂರ್ವಿಕರ ನೆನಪುಕ್ಕಿ, ಹಾಲು ಚಾಕ್ಲೇಟು
ಹಂಚಿ ಗುಳಿಗಲ್ಲವ ಮುದ್ದಿಸುತಿರೆ
ಮನೆಯ ತೋರಣ ನನ್ನನೂ ಬದಲಿಸೆ೦ದಿದೆ
ನಿನ್ನೆ ರಂಗೋಲಿ ಕಲೆಸಿ .. ನಿನ್ನೆಯ ಕಾಡಿಗೆ
ಕೆನ್ನೆಗಿಳಿದು ,ವಕ್ರವಾದ ಹಣೆ ಬೊಟ್ಟಿನ ಕೆಳಗೆ
ನಿದ್ರೆ ಕಳೆದ ಮಗುವಿನಂತೆ ತಿಳಿ ನಗುವಿದೆ
ಹೊಸ ದಿನಕೂ ಹೊಸದು ಬೇಕಿದೆ.....
ಮಲಗಿ ಎದ್ದ ಮೇಲೆ ಬಂದ ಬೆಳಗು
ಬೆರಗೋ ಬೆರಗು ... ಸೂಸುತಿದೆ
ನಾನು ಹೊಸ ದಿನ ಏನಾದರೂ ಕೊಡು
ಎಂದು ಕಂದನ ಪರಿ ಕಾಡುತಿದೆ ....
ಅಂಗೈಯಲ್ಲಿ ಬೆಲ್ಲ ನೆಲಗಡಲೆಯಿತ್ತ
ಪೂರ್ವಿಕರ ನೆನಪುಕ್ಕಿ, ಹಾಲು ಚಾಕ್ಲೇಟು
ಹಂಚಿ ಗುಳಿಗಲ್ಲವ ಮುದ್ದಿಸುತಿರೆ
ಮನೆಯ ತೋರಣ ನನ್ನನೂ ಬದಲಿಸೆ೦ದಿದೆ
ನಿನ್ನೆ ರಂಗೋಲಿ ಕಲೆಸಿ .. ನಿನ್ನೆಯ ಕಾಡಿಗೆ
ಕೆನ್ನೆಗಿಳಿದು ,ವಕ್ರವಾದ ಹಣೆ ಬೊಟ್ಟಿನ ಕೆಳಗೆ
ನಿದ್ರೆ ಕಳೆದ ಮಗುವಿನಂತೆ ತಿಳಿ ನಗುವಿದೆ
ಹೊಸ ದಿನಕೂ ಹೊಸದು ಬೇಕಿದೆ.....
ಇದಕ್ಕೆ ಸಬ್‌ಸ್ಕ್ರೈಬ್‌ ಆಗಿ:
ಪೋಸ್ಟ್‌ಗಳು (Atom)