ಅವಸರದ ನಡಿಗೆ ಅ೦ತ್ಯದೆಡೆಗೆ
ಅಂತಃಚಕ್ಷುವ ಬಿಡಿಸಿ ಕೂತು ನಿನ್ನ ನನ್ನ ವಯಸ್ಸಿಗೆ ತಾಳೆ ಹಾಕಿದೆ ನಾನು
ನೀ ಈ ಜನ್ಮವಷ್ಟೇ ಲೆಕ್ಕ ಹಾಕಿದ್ದೀ . .. ಹಿಂದಿನದೆಲ್ಲೋ ..
ಕುಳಿತಿರು ಆತ್ಮಾ .. ಎಣಿಸಿ ಬರುತ್ತೇನೆ ಜನ್ಮದ ಪಟ್ಟಿಗಳ ..
ಇರುವೆಯಾಗಿ,ಎಮ್ಮೆ,ಜಿಂಕೆ,ಹಂದಿ ,ಹಸು,ಸ್ತ್ರೀ ..ದಾಟಿ ಪುರುಷನಾದಿ
ಅಂಗಲಾಚುವುದೇನೋ ..? ಇದೇ ಕಡೇ ಜನ್ಮ... ನಡೆ ....
ಮೇಧಾವಿ ಹೆಣ್ಣಿನೆದೆಗೆ ಒರಗಿಸಿಟ್ಟ ತಜ್ಞ ನಿರುಪಾಯ ಹೃದಯ ಬುತ್ತಿ
ಉಂಡದ್ದು ಉಪ್ಪಿರದ ಅನ್ನ ಹಲವು ಬಾರಿ ,,,ಹಾ ಋಣ ತಪ್ಪಿಸಲಿಕ್ಕೆ
ಬೆರಳಿಗೆ ಸುತ್ತಿಕೊ೦ಡ ದಾರ ಬಿಡಿಸಿ ಹರಿದಂಗಿಯ ಹೊಲೆಯಲಿಕ್ಕೆ
ಇರಲಿ ಬಿಡು ಮತ್ತೆ ಉಪಯೋಗವಿರದ ದೇಹದ೦ಗಿಯ ಮೋಹ ಬಿಟ್ಟು ನಡೆ
ವಯಸ್ಸೇನೂ ಓಡುವುದಿಲ್ಲ ... ನಿನಗೆ ದೇಹವಷ್ಟೇ ಲೆಕ್ಕ ತಾನೇ ...