ಸಹಸ್ರಾರ ಮತ್ತು ಮೂಲಾಧಾರ

ಬದುಕಿರದ ಅಪ್ಪ 

ಬದುಕ ಬವಣೆಯನು ಕಂಡ ಅಪ್ಪ ಸಾಕಿದ್ದು 
ಹಲವು ಹುಡುಗರನ್ನ ,ಊಟ ,ಬಟ್ಟೆ ಸೂರು,ಓದು 
ಎಲ್ಲದಕ್ಕೂ ತೆರೆದ ಕೈ ದೊರೆಯಾದವರು 
ನಮ್ಮನೆಯಲ್ಲಿದ್ದವರು ಹತ್ತಾರು ಅಣ್ಣಂದಿರು

ಮುದುಕರನ್ನ ಹುಡುಕಿ ತರಕಾರಿ ತರುವ
ಬೇಡದಿದ್ದರೂ ಹುಡುಗನಿಗಾಗಿ ಸಂಜೆ ಪತ್ರಿಕೆ ಕೊಳ್ಳುವ
ಹಸಿದವರನ್ನು ಅನಾಮತ್ತು ಮನೆಗೆ ಕರೆತರುವ
ತನ್ನ ಬಟ್ಟೆಗಳ ,ಹಾಸು ಹೊದಿಕೆಗಳನಮಗಚ್ಹರಿಯ ದಾನಿ

ಕೊಟ್ಟದ್ದು ತನಗೆ ಬಚಿಟ್ಟದ್ದು ಪರರಿಗೆ ಎಂದು
ಉಳಿತಾಯವೇ ಅರಿಯದ ಆದರ್ಶ ಜೀವಿ
ತನ್ನ ಮಕ್ಕಳಿಗೆ ಕಲಿಸಿದ್ದು ಗಟ್ಟಿಯೆದೆ ಬದುಕು
ಸತ್ಯ ನ್ಯಾಯಗಳ ವಜ್ರ ಖಚಿತ ಜೀವನವನ್ನ

ದಿಟ್ಟ ಹೆಜ್ಜೆಯ ಜೀವನ ಕಾಣಲು ಬದುಕಿರದ ಅಪ್ಪ
ನಡೆ ನಡೆಯಲ್ಲೂ ಪ್ರತಿಬಿಂಬದ ನಗೆ ಬೀರುತ್ತಾರೆ
ಇಪ್ಪತ್ತರ ಮುಗ್ಧತೆಯಲ್ಲಿ ಕೈ ಬಿಟ್ಟು ಅಸ್ತಮಿಸಿ
ಪ್ರತಿದಿನವೂ ಉದಯಿಸುವರು ನಮ್ಮ ಹೃದಯದಲ್ಲಿ