ಸಹಸ್ರಾರ ಮತ್ತು ಮೂಲಾಧಾರ

ಸ್ವಲ್ಪ ಗಂಡಸೋ ಹೇಗೋ ಪೂರ್ಣನೋ
ಅರ್ಥವಾಗುವ ಹೊತ್ತಿಗೆ....
ಮಣಿದು ತಿರುಗಿದವನಿಗೆ ಬಲಾಬಲದ ತೂಕದ
ಅಳತೆಗೋಲು ನಿಲುಕಲೇ ಇಲ್ಲ 
ಇನ್ನೊಂದಷ್ಟು ಹೆಣ್ಣಾಗುವ ಹೊಡೆದಾಟ ಗೆದ್ದು
ಸ್ರೀ ತನ ಭೋರ್ಗೆರೆದು ಸಂಭ್ರಮಿಸಿದಾಗ
ಆದಾವುದೋ ನಿತ್ಯ ಕಾರ್ಯದಂತೆ ದಿನಚರಿಯ
ಬಾಗಿಲಿಗೆ ಹಳಬನಾದ ಪರಿ ಸಿಟ್ಟಿಗೆಬ್ಬಿಸಿ
ಹೊಸ ಹೆಣ್ಣಾದ ದಿನವೆಲ್ಲಾ ಮೊದಲ ದಿನದ ಸೊಗಸೇ
ಮೈಯಡಿಯ ಹೊದಿಕೆಯಲಿ ದಾರದೊತ್ತೂ ಕೆ0ಪಾಗಿ
ಕೆನ್ನೆಯಾನಿಸಿ ಕೂತಾಗ ಹಗಲೂ ನಡುಹಗಲೂ ಸಂಜೆಗೂ
ಸಜೆ ಸಿಗದ ಮಣಿಸಲಾರದ ಬೆನ್ನುಗಂಟಿನ ರಗಳೆ
ರಾತ್ರಿಗಳಷ್ಟೇ ಹಗಲಾಗದ ಬಹಳ ಗಂಡಾಗುವ ಯತ್ನ
ನಡೆದಿತ್ತೋ ಅರಿಯೆ....ಪ್ರಶ್ನೆ ಕೇಳಬಾರದೇನೋ