ಸಹಸ್ರಾರ ಮತ್ತು ಮೂಲಾಧಾರ

ನನ್ನ ಶಿವ...

ಶಿವನೆಡೆಗೆ ಪಯಣವದು ಆತ್ಮೀಯ ಭಾವ
ಅವನೆಡೆಯ ಹೆಜ್ಜೆಗಳು ಭಾರ ತಪ್ಪಿದ ಅಮಲು
ಮುಚ್ಚಿಹುದು ರೆಪ್ಪೆಗಳು ತೆರೆಯಲಾರೆನೆನುತಾ
ಓ0 ನಮಃ ಶಿವಾಯ ಆತ್ಮ ಜಪದ ಮಂತ್ರ
ಕೋಟಿ ಸಲ ಪಠಿಸಿದರೂ ಧಾವಿಸದೇ ನಿಂತು
ಭುವಿ ಕೈಲಾಸಗಳ ದೂರ ಕ್ರಮಿಸಿದ ಹಿಗ್ಗು
ಶಿವೆಯೆನುತ ವಿಭೂತಿ ಸ್ನಾನದಲಿ ಮರೆವು
ಗಂಗೆಯವಳ ಪುಣ್ಯ ತೀರ್ಥದ ಅನುಭವವು
ಮಾನಸ ಸರೋವರವಿಲ್ಲಿ ಹೃದಯ ಕಮಲ
ಡಮರುಗದ ಸದ್ದಿನಲಿ ನರ್ತನದ ಝಳಕು
ಭೂತಗಳ ರುದ್ರತೆಯೂ ಪ್ರಿಯವಾಗುತಿಹುದು
ಧೂಪದೊಳು ಗಣ ಬಸವಗಳ ನಾಮ ಜಪ ತಂತು
ಓಡುತಿಹೆ ಚರ್ಮಧಾರಿ ನಿನ್ನೊಳಗೆ ಸತತ
ತಲುಪಲಾರೆನೇ ಆತ್ಮ ಲಿ0ಗವದು ಸುಕೃತ