ನನ್ನವನು

ನನ್ನವನು
ಸದಾ ಹೂ ತೋಳಿನ ಮೇಲೆ ಹೊತ್ತು
ಕಷ್ಟಗಳ ನನಗೆ ಹೊರೆಸದವನು
ಕಣ್ಣೀರ ತುಟಿಗಳಲೇ ಹೀರಿ
ಸಿಹಿ ಮುತ್ತಲೇ ಸಿಂಗರಿಸುವನು ..ನನ್ನವನು 
ಎದೆಯ ಸಾರ್ವಬೌಮ ಸುಂದರ ನಗುವವನು
ನಾನೇನ ಕೊಡದಿದ್ದರೂ ನನ್ನೊಳಗೇ
ರಾಜ್ಯಭಾರದ ವಿಸ್ತಾರ ಕ್ಷಣವೂ ಬಿಡದೇ ಹರಡುವನು
ನನ್ನೆದೆಯನಾಳಿ ನಾಳೆಗೂ ನಿಂತವನು ..ನನ್ನವನು
ನಾನೆಂದರೆ ಪ್ರಾಣವೆಂದು ಕಣ್ಣಲ್ಲೇ ಹೇಳುವನು
ಕೈ ಹಿಡಿಯದೆಯೂ ಉಸಿರ ಕೊಡುವನು
ಸಮಯ ಸಾದಕನಲ್ಲ ಬಾದಕನಲ್ಲ
ಹೂಮನದ ಸಿರಿಯವನು .... ನನ್ನವನು