ಎಣ್ಣೆನೀರು

ಎಣ್ಣೆನೀರು 

ಸಣ್ಣ ಉರಿಯಲಿ ಬೆಚ್ಚಗಾಗಿಸಿದ ಎಣ್ಣೆಯೊಳಗೆ ಬೆರಳದ್ದಿ ನೆತ್ತಿಯಲಿಟ್ಟೆ 
ಕೈ ಕಾಲ್ಗಳ ಒರಟ ಲೇಪದೊಳಗದ್ದಿ ,ಸರಿಸಿ ಬೆನ್ನ ಮೆದುವ ,
ಎಣ್ಣೆಯಿಳಿದು ಹಿತದ ಒತ್ತುವಿಕೆಯಲಿ ಸ್ನಾನ ಅಲ್ಲಿರಲಿ ದೂರ .. 
ಎಣ್ಣೆಯಾರಿ ಗಂಟೆಗಳುರುಳಿ ಬೆರಳೊತ್ತಲಿ ಮೈ ಮರೆತು
ಹಿತದ ನಿದ್ದೆಯ ಮತ್ತಾವರಿಸಿ ಕೆಂಪುಗಟ್ಟಿದೆ ಮೆದು ಮೈ

ನಿದ್ರೆಗಣ್ಣಲಿ ನೀರುಮನೆ ಕಡೆಗೆ ,ಸುಳಿಗೂದಲಲಿ ಸುರಿವ
ಬಿಸಿ ಬಿಸಿ ನೀರಧಾರೆ ಧಾರಾಕಾರ ಸುರಿಸುರಿದು
ನೀರೊಳಗಿನ ಹಬೆಯಾಟ ಉಸಿರ ತುಂಬಿ ಮತ್ತವಾಗಿಸಿ
ಹೂ ಆವಿಯೂ ಕೆನ್ನೆ ಕೆಂಪೂ ಮೈ ಧಾಸವಾಳದ ನವಿರೂ
ಸುಗಂಧ ಪುಡಿ ಸೋಪುಗಳೆಡೆಗೆ ಸಿಕ್ಕಿನೀರಾಯ್ತು .. ಹಿತ

ಮತ್ತೆ ... ಸುಸ್ತಿನ ನಿದ್ದೆ