ಸಹಸ್ರಾರ ಮತ್ತು ಮೂಲಾಧಾರ

ತನನ 

ಹಿಮವ ಸರಿಸಿ ಬಿಸಿ ಹೆಜ್ಜೆಯೂರಲಿ 
ಶೃ೦ಗಾರ ಭಾವಗಳ ಕಲ್ಪವಲ್ಲಿ ... 
ಎಳೆ ಎಳೆ ಗೂಡಿಸಿ ಹೆಣೆದ ಪ್ರೇಮಾಲಾಪದ 
ಮೆಲು ಗುಂಜಾರವ ನಿನ್ನ ಕಿವಿಯ ತುಟಿಯ ಮೇಲೆ .. 
ಮೆಲ್ಲನಿರಿಸಿಹ ನೀರ ಗಿಂಡಿಯಲಿ ನೀ ಒಮ್ಮೆ
ಹಣೆಯದ್ದಿಕೊಂಡ ಬೆರಳ ಕಂಪನ
ನಾಭಿಗಿಳಿದ ಹನಿಗೆ ಯುಗಗಳು ಕಾದ ಪ್ರೀತಿ ಸಿಂಚನ
ಅಲಿಂಗನದ ಮಧುರ ಮತ್ತಿಗೆ ಕರಗಿ ಹೋದ
ತೆಳು ಗಾಂಧರ್ವ ಮುಸುಕ ಹೊದಿಕೆ ,
ಎಲ್ಲೋ ಕನಸಿನ೦ತೆ ಸುಸ್ವರದ ಹೊಂದಿಕೆ,
ಪವಡಿಸಿದ ತೊಡೆಯ೦ಚಿಗೆ ಸೆರಗ ಹೂಗುಚ್ಹ
ಸರಿದು ಹಣೆಗೆ ಮುತ್ತನಿಡುತಾ ಜೊಂಪೆಗೂದಲ ಸರಸ
ಒದ್ದೆ ಬೆನ್ನಿಗೆ ಬರೆದು ಕೊ೦ಡ ಬಳ್ಳಿ ನರಗಳ ಚಕ್ರ
ನಿನ್ನೊಳಗೆ ಹೆಣೆದುಕೊಂಡ ನಡುಗೆರೆಯ ಲಾಸ್ಯ